د معیاري پوښتنو جوړولو تر سرليک لاندې ورکشاپ تر سره شو.
چهارشنبه د ۱۴۰۳ هـ.ش کال د لړم مياشې ۹مه، چې د ۱۴۴۶ هـ.ق کال د ربيع الثاني ۲۷مې نېټې سره سمون لري، د شيخ زايد پوهنتون مسلکي پرمختیا مرکز کې د تازه ګمارل شویو استادانو د ظرفیت لوړولو په موخه د معیاري پوښتنو جوړولو تر سرليک لاندې یو ورځنی ورکشاپ داير شو.
ياد ورکشاپ کې د آزموینو لپاره د معياري پوښتنو جوړولو سربېره د پوښتنو ډولونو په اړه مختلف موضوعات تر بحث لاندې ونيول شول، چې ۲۲ تنو استادانو پکې ګډون کړی و او د ښوونې او روزنې پوهنځي علمي کادر غړي استاد پوهنمل سيد شاه ګل وياړ لخوا وړاندې شو.
د يادولو وړ ده چې د شيخ زايد پوهنتون مسلکي پرمختيا مرکز د پوهنتون پلان سره سم د استادانو ظرفيت لوړونې لپاره مختلف پروګرامونه په لاره اچوي، چې تېره ورځ یې هم نویو ګمارل شویو استادانو لپاره د معياري نصاب اړوند موضوعاتو ښه تطبیق تر عنوان لاندې ورکشاپ داير کړی و.
نشراتو او عامه اړیکو آمريت
