د علماء کرامو فضیلت او د علم ارزښت تر عنوان لاندې سیمینار وړاندې شو.
نن سه شنبه د ۱۴۰۴ هـ.ش کال د سنبلې مياشتې ۲۵مه، چې د ۱۴۴۷ هـ.ق کال د ربیع الأول مياشتې له ۲۳مې نيټې سره سمون لري، د شیخ زاید پوهنتون ریاست مقام غونډو تالار کې د یوې ناستې په تر څ کې اداري او خدماتي کارکوونکو ته د علماء کرامو فضیلت او د علم ارزښت تر عنوان لاندې سیمینار وړاندې شو.
یاد سیمینار چې د دعوت او ارشاد آمریت له لوري برابر شوی و، د شرعیاتو پوهنځي استاد مفتي محمد امین سعیدي لخوا وړاندې شو.
د شیخ پوهنتون دعوت او ارشاد آمریت لخوا د پلان مطابق استادانو، محصلانو، اداري او خدماتي کارکوونکو ته د اصلاح او دیني مسایلو کې د پوهې زياتیدو په موخه اصلاحي غونډې په لاره اچول کېږي، چې تر دې دمه یې د يادو کارکوونکو د پوهې په لوړاوي کې مهم رول اداء کړی دی.
نشراتو او عامه اړیکو آمريت
