ملي بیرغ د هېواد د ارزښتونو او اتحاد سمبول دی
د افغانستان درې رنګه ملي بیرغ ددې هېواد د تاریخي شالید او بېلابېلو حالتونو ترجماني کوي چې په لیدو سره یې ډېرې خاطرې او انقلابونه رایادوي، کچېرې خپل درې رنګه بیرغ ته ځیر شو زموږ د هېوادوالو د زرګونو تراژیدیو، بریاوو، سرښندنو او د اتلوالیو الهامونه پکې نغښتي دي. ملي بیرغ د یوه ملت ملي هویت او په همغه هیواد کې د مېشت قومونو د اتحاد سمبول او د ځمکې په کره د یوه ملت د استقلال ښکاروندی وي. د ملي بیرغ له برکته، په نړۍ کې د نورو ملتونو ترمنځ د هغوی ملي ارزښتونه له یو بل سره بیلوي خو ؛ هر ملت خپلو ملي ارزښتونو ته بې درېغه درناوی لري، همدغه ملي ارزښتونه دي، چې هېوادونه د ژوندي او واحد ملت په توګه یاد او ښاد ساتي. په نړۍ کې ملتونه په ملي ارزښتونو او مقدساتو ژوندي، راټول او متحد وي او په ګډه د خپلو ملي ارزښتونو ساتنه او پالنه کوي، په دې برخه کې حتی خپل سر، ځان او ژوند نه درېغوي. د افغانستان ملي بیرغ دې تل رپانده، ځلانده ، قایم او دایم وي. ستا محراب، منبر نښان لوړ دې وي پر ټول جهان ای بیرغه د افغان
