په اسلام کې د يتيمو ماشومانو حقوق تر عنوان لاندې سیمينار وړاندې شو.
د شيخ زايد پوهنتون محصلانو چارو معاونيت لخوا د خوست ولایت کار او ټولنيزو چارو رياست اړوند د ماشومانو روزنتون ۱۲۰ تنو یتیمانو ته په اسلام کې د یتیمو ماشومانو حقوق تر عنوان لاندې سيمينار د شرعیاتو پوهنځي استاد مفتي محمد امین سعیدي لخوا وړاندې شو.
ياد سیمينار کې د استاد او اداري کارمند، د یتیمانو روزونکو شان او مقام، په یتیمانو د نه رحم کوونکو د الله جل جلاله عذاب، په اسلامي تاريخ کې د ماشومانو کارنامې، د تعليم او زده کړو حق، د استاد حق او د ښه روزونکي صفات موضوعاتو باندې معلومات وړاندې شول.
د روزنتون مسؤلینو د شيخ زايد پوهنتون ادارې لخوا دا ډول برنامو برابرولو ستاینه وکړه او په راتلونکي کې یې د لا پراخولو هيله څرګنده کړه.
نشراتو او عامه اړیکو آمريت
