د شرعياتو، حقوقو او سياسي علومو پوهنځیو محصلانو ته یو ورځنی ورکشاپ وړاندې شو.
نن سه شنبه د ۱۴۰۴ هـ.ش کال د ثور مياشتې ۹مه، چې د ۱۴۴۶ هـ.ق کال د ذوالقعدة میاشتې له لومړۍ نیټې سره سمون لري، د شيخ زايد پوهنتون محصلانو چارو معاونيت لخوا د شرعياتو، حقوقو او سياسي علومو پوهنځيو محصلانو ته د عریضه لیکنې په اړه یو ورځنی ورکشاپ وړاندې شو.
په دغه ورکشاپ کې د عریضه پېژندنې، عریضه لیکنې، عریضې، د عریضو نمونې، جلب، احضار او د عریضې شرایطو په اړه هر اړخيز او ګټور معلومات ورکړل شول.
د شيخ زايد پوهنتون اداره تل هڅه کوي چې د خپلو باتجربه استادانو په مټ د بېلا بېلو پوهنځيو محصلانو د علمي کچې لوړاوي په موخه مختلف سیمينارونه او ورکشاپونه ترتيب او وړاندې کړي، ترڅو د محصلانو هغه ستونزې چې لري یې يا هم ممکن په راتلونکي کې ور سره مخامخ شي هواري شي.
ياد ورکشاپ د حقوقو او سياسي علومو پوهنځي استاد پوهنمل پاڅون مياخېل لخوا وړاندې شو.
نشراتو او عامه اړیکو آمريت
