په شرعي څېړنه کې د ليکنښو سمه کارونه او تطبیقي بېلګې یې تر عنوان لاندې علمي کنفرانس وړاندې شو.
د ۱۴۰۳هـ.ش کال د عقرب میاشتې ۲۸مه، چې د ۱۴۴۶هـ.ق کال د جمادی الاولی میاشتې ۱۶مې نېټې سره سمون لري، د شیخ زاید پوهنتون شرعياتو پوهنځي کې چې د ياد پوهنځي استادانو، ژوري هیئت غړو او محصلانو حضور درلود، د فقه او قانون څانګې استاد او د کیفیت لوړونې آمر پوهنوال حسام الدين رحيم زي لخوا (په شرعي څېړنه کې د ليکنښو (علامات الترقیم) سمه کارونه او تطبیقي بېلګې یې) تر عنوان لاندې کنفرانس وړاندې شو.
په دغه کنفرانس کې له سريزې، د څېړنې مخينه، ارزښت، موخې او د څېړنې له کړنلارې روښانه کولو وروسته د څېړنې په اصلي موضوع کې په شرعي څېړنو کې د ليکنښو پېژندنه، په شرعي څېړنه کې د ليکنښو د کارونې اهميت، په شرعي څېړنه کې د ليکنښو ډولونه، د ليکنښو د کارونې تګلارې او تطبيقي بېلګې يې او يو شمېر نور موضوعات د باوري سرچينو په ښودلو سره لازم او اړين معلومات وړاندې شول.
په پای کې کنفرانس د څېړنې د پايلو او وړانديزونو په شريکولو او هم د ګډونوالو پوښتونو ته په ځواب ويلو سره پای ته ورسېد.
نشراتو او عامه اړیکو آمریت
