د چاپېريال ساتنې په اړه د عامه پوهاوي سیمينار ارايه کړل شو.
دوشنبه د ۱۴۰۳ هـ.ش د لړم مياشتې ۱۴مه، چې د ۱۴۴۶ هـ.ق کال د جمادی الأولی مياشتې له دویمې نېټې سره سمون لري، شيخ زايد پوهنتون کې د (چاپېريال ساتنې عامه پوهاوي) تر سرلیک لاندې یو ورځنی سيمينار تر سره شو.
ياد سیمینار کې د شيخ زايد پوهنتون استادانو، کارکوونکو او محصلانو ګډون کړی و، چې د چاپېريال پېژندنه، د چاپېريال ساتنې علم اهميت، د ټولنيز او انجینري اړخه د چاپېريال علم تحلیل، چاپېريال ساتنه، د اقليم بدلون او عوامل یې، د هوا ککړتيا، اتموسفېر پېژندنه، د اوزون طبقې تخریب او زيانونه یې او د اوزون طبقې د تخريب اساسي عواملو په اړه معلومات ورکړل شول.
ياد سيمينار چې یوه ورځ یې دوام وکړ د شيخ زايد پوهنتون کرنې پوهنځي استاد پوهندوی شفيع ګل شفیقي لخوا د محصلانو معاونیت په همکارۍ وړاندې شو.
نشراتو او عامه اړیکو آمريت
