پوهنتونونو کې تشویقي مواردو او مجازاتو د تنظيم لارښود په اړه د عامه پوهاوي ورکشاپ ورکړل شو.
نن پنجشنبه د ۱۴۰۴ هـ.ش کال د اسد مياشتې ۲۲مه، چې د ۱۴۴۷ هـ.ق کال د صفر المظفر میاشتې له ۱۹مې نيټې سره سمون لري، د شيخ زايد پوهنتون د ریاست مقام عونډو تالار کې د پوهنتونونو اړوند واحدونو کې د مکافاتو تشویقي مواردو او مجازاتو چارو د تنظيم لارښود په اړه د عامه پوهاوي ورکشاپ تر سره شو.
ياد ورکشاپ کې چې د شیخ زايد پوهنتون بېلا بېلو پوهنځیو رئيسانو، د څانګو آمرينو او د خصوصي پوهنتونونو مسؤلينو ګډون کړی و، د پوهنتونونو او د هغو په اړوندو واحدونو کې د مکافاتو ډولونو، د علمي سر غړونو او مجازاتو ډولونو، پوهنتونونو ته د اخطاریې عملي بېلګو، د علمي سر غړونو او د وزارت مقام څخه د نوي رالېږل شوي طرز العمل په اړه معلومات وړاندې شول.
د يادولو ده چې دغه سیمينار د شيخ زايد پوهنتون مسلکي پراختیا آمريت لخوا برابر شوی و، چې د شيخ زاید پوهنتون علمي چارو مرستيال پوهنمل نورالله حسین خېل لخوا وړاندې شو.
نشراتو او عامه اړیکو آمريت
