له آزموینو څخه وړاندې د رامنځته کیدونکي پریشانۍ او اضطراب څخه خلاصون تر عنوان لاندې سیمینار وړاندې شو.
یکشنبه د ۱۴۰۳هـ.ش کال د لیندۍ میاشتې ۱۱مه، چې د ۱۴۴۶هـ.ق کال د جمادی الاولی میاشتې له ۲۹مې نیټې سره سمون لري، نوې لیلیې ودانۍ د غونډو په تالار کې محصلانو ته (له آزموینو څخه وړاندې د رامنځته کیدونکي پریشانۍ او اضطراب څخه خلاصون) تر عنوان لاندې سیمینار ارایه شو.
په سيمینار کې د محصلانو چارو مرستيال پوهنیار مجاهد همت يار، استادانو او کڼ شمېر محصلانو ګډون کړی و.
د قرآن کریم څو مبارکو آیتونو له تلاوت وروسته، د محصلانو چارو مرستيال پوهینار مجاهد همت يار خبرې وکړې او یاد سيمينار یې محصلانو ته په اوس وخت ګټور یاد کړ.
دغه سیمینار د ښوونې او روزنې پوهنځي استاد دوکتور پوهنمل احسان الله احسان لخوا وړاندې شو، چې د اضطراب تعریف، د آزموينې اضطراب نښې، د آزموينې اضطراب لاملونه، د آزموينې اضطراب درمنله او يو لړ نورو معلومات محصلانو ته ورکړل شول.
دا سیمینار چې د محصلانو چارو معاونیت لخوا برابر شوی و، د استاد لخوا د ګډونکوونکو پوښتنو ته د ځوابونو او د دعاء په ویلو سره پای ته ورسېد.
نشراتو او عامه اړیکو آمریت
