غوره سيمينار وړاندې کونکي محصلان وستایل شول.
نن یکشنبه د ۱۴۰۳هـ.ش کال د لیندۍ میاشتې ۱۱مه، چې د ۱۴۴۶هـ.ق کال د جمادی الاولی میاشتې له ۲۹مې نیټې سره سمون لري، د شیخ زاید پوهنتون د دوولسو پوهنځیو ممتاز محصلان د امام ابوحنیفه رحمة الله د غونډو په تالار کې د یوې ستاینغونډې په مهال وستایل شول.
په غونډه کې د محصلانو چارو مرستیال پوهنیار مجاهد همت یار، استادانو او محصلانو ګډون کړی و. د قرآن کریم څو مبارکو آیتونو له تلاوت وروسته د پوهنځیو منتخبو محصلانو لخوا ترتیب شوي سیمینارونه په بېلا بېلو موضوعات باندې وړاندې شول.
د محصلانو چارو مرستیال پوهنیار مجاهد همت یار په خپله وینا کې وویل: ((ګرانو محصلانو! تاسې د پوهنځیو په سطحه ستوري یاست، شپې مو رڼې کړي، تاسې د ډېر لوړ تقدیر لياقت لرئ، د خپلو وړتیاوو پر مټ به په راتلونکي کې د هېواد په تحصیلي انقلاب کې مهم رول اداء کوئ.))
غونډه د ممتازو او غوره سیمینار وړاندې کوونکو محصلانو ته د ستاینلیکونو او د دعاء په ویلو سره پای ته ورسیده.
نشراتو او عامه اړیکو آمریت
