شیخ زاید پوهنتون کې د کادري آزموینې له ګډونوالو څخه انګلیسي ژبې آزموینه واخيستل شوه.
تيره ورځ شنبه د ۱۴۰۲ هـ.ش کال د ميزان مياشتې ۸مه، چې د ۱۴۴۵ هـ.ق کال د ربیع الاول مياشتې له ۱۵مې نيټې سره برابره وه، په هغه غونډه کې چې د امام ابوحنیفه رحمة الله په تالار کې را بلل شوې وه، د شیخ زاید پوهنتون علمي چارو مرستيال او سرپرست سید اسماعيل روحاني، پوهنځیو رئیسانو او د کادري آزموینې کميټې غړو ګډون کړی و.
د قرآن کریم څو مبارکو آیتونو له تلاوت وروسته ښاغلي روحاني د آزموینې ګډونوالو ته د ښه راغلاست تر څنګ د آزموینې په اړه خبرې وکړې او زياته یې کړه چې آزموینه به په پوره شفافیت او کومې لاسوهنې پرته واخیستل شي.
یاده ازموینه کې شاوخوا (۸۰) کسانو ګډون کړی و، چې په راتلونکو پړاوونو کې د ګډون په موخه به پکې وړ او با استعداده کسان بريالي اعلان شي.
