شیخ زاید پوهنتون د پکتیا ولایت مېشت زم زم لوړو زده کړو خصوصې موسسې سره د همکاریو هوکړه لیک لاسلیک کړ
پرون ورځ ( ۱۳۹۹/جدي/۲۲ ) یکشنبې د شیخ زاید پوهنتون رهبرۍ او د زم زم لوړو زده کړو موسسې رهبرۍ تر منځ د ګډو همکاریو هوکړه لیک لاسلیک شو.
د لاسلیک کیدو پرمهال د شیخ زاید پوهنتون رهبرۍ په استازیتوب علمي مرستیال پوهندوی شفیع ګل شفیقي وویل چې زمونږ موخه د ټولنې علمي کیدل او د سیمې هیوادو سره د افغانستان سیال کیدل دي، نو کله به هم په علمي خدمت کې که هغه به دولتي سکتور او یا هم خصوصي سکتور کې وي، شاته نه شو.
ورپسې د زم زم لوړو زده کړو موسسې رئیس محمد امین علمي د شیخ زاید پوهنتون له رهبرۍ څخه مننه وکړه چې په مختلفو برخو کې یې د همکارۍ ډاډ ورکړ.
هوکړه په ۱۴ مادو کې لاسلیک شو چې د شیخ زاید پوهنتون به د زم زم م لوړو زده کړو موسسې سره د وزارت هدایاتو مطابق علمی کادرونو په جذب، د ظرفیتونو په لوړاوي، د تحقیق او ریسرچ په برخه کې د خپل وس مطابق همکاري کوي.
د یادولو وړ ده چې شیخ زاید پوهنتون د خپل ځوان نسل د بهبود په موخه په تېر کې هم د نورو علمي موسساتو سره ورته ډول هوکړه لیکونه لاسلیک کړي دي
