شیخ زايد پوهنتون کې د تدریسي روغتون او اداري خالي بستونو لپاره ازموینه واخيستل شوه.

szu_admin
چهارشنبه ۱۴۰۳/۱۲/۱ - ۱۱:۵۲
لبیزېیس

نن سه شنبه د ۱۴۰۳ هـ.ش کال د سلواغې مياشتې ۳۰مه، چې د ۱۴۴۶ هـ.ق کال د شعبان المعظم مياشتې له ۱۹مې نیټې سره برابره ده، د شيخ زايد پوهنتون امام ابو حنیفه رحمه الله په تالار کې د شيخ زايد پوهنتون تدریسي روغتون او اداري ۱۳ خالي بستونو لپاره په شرایطو برابرو داوطلبانو څخه ازموینه واخيستل شوه.

د ازموینې د پرانیستې په مراسمو کې د علمي، مالي او اداري چارو مرستيالانو سربېره د ازموینې کمېټې غړو، د خوست ولایت ملکي خدمتونو او اداري اصلاحاتو آمریت مسؤلینو او داوطلبانو ګډون کړی و.

د قرآن کریم د څو مبارکو آیتونو له تلاوت وروسته، د علمي چارو مرستیال پوهنمل نور الله حسین خېل لخوا ګډنوالو ته د یادې ازموینې پروسې لنډ تشریح تر څنګ، د پوره روڼتیا ډاډ ورکړل شو.

د يادولو وړ ده چې يادو بستونو ته ۱۲۰ کسانو ځانونه نوماندان کړي و، چې له ۶۶ په شرایطو برابرو کسانو څخه نن ورځ د با صلاحیته هیئت په حضور کې ازموینه واخیستل شوه، چې له جملې څخه به یې د يادو بستونو لپاره ۱۳ کسان چې له نورو یې لوړې نمرې تر لاسه کړې وي، وټاکل شي.

نشراتو او عامه اړیکو آمريت

تازه خبرونه

دوشنبه ۱۴۰۴/۱/۴ - ۱۵:۱۴
Background image

د ځنګلونو، اوبو او هوا نړیوالو ورځو په مناسبت سيمينارونه ورکړل شول.

نن دوشنبه د ۱۴۰۴ هـ.ش کال د وري مياشتې ۴مه، چې د ۱۴۴۶ هـ.ق کال د رمضان المبارک مياشتې له ۲۴مې نيټې سره سمون لري، د شيخ زايد پوهنتون ریاست مقام په تالار کې د ځنګلونو، اوبو او هوا نړیوالو. . .

یکشنبه ۱۴۰۴/۱/۳ - ۱۰:۶
Background image

په تراویحو کې د قرآن کريم ختم تر سره شو.

د رمضان المبارک ۲۲مه شپه د شیخ زايد پوهنتون عمومي مسجد کې، چې د شیخ زاید پوهنتون رئیس شیخ الحدیث مولوي محمد نسیم حقــ.ــاني، د پکتیکا حج او اوقافو رئیس شیخ الحدیث عیدولي حلیمي، د. . .

BACK TO NEWS