د کیفيت لوړونې آمريت له لوري داخلي څار پیل شو.
نن چهار شنبه د ۱۴۰۴ هـ.ش کال د چنگاښ میاشتې ۱۸مه، چې د ۱۴۴۷ هـ.ق کال د محرم الحرام میاشتې له ۱۳مې نیټې سره سمون لري، د شيخ زايد پوهنتون کیفيت لوړونې آمريت له لوري د داخلي څار لړۍ پيل شوه.
د څار په ياده لړۍ کې به د رياست مقام، معاونيتونو او آمریتونو د فعاليتونو شواهد وکتل شي او نیمګړتیاوې به یې د لا ښه والي په موخه د يادو ادارو سره شريکې شي، تر څو په راتلونکي کې د لوړو زده کړو وزارت د تضمين کیفيت او اعتبار ورکولو ریاست د ارزونې لپاره په بشپړ ډول چمتو شي او پوهنتون پکې خپل سند خوندي کړي.
نشراتو او عامه اړيکو آمريت
