د ژبو او ادبياتو پوهنځي محصلانو تر منځ د سیمینارونو وړاندې کولو سيالي تر سره شوه.
د شيخ زايد پوهنتون ژبو او ادبیاتو پوهنځي فرهنګي فرعي کمېټې له لوري د محصلانو څخه د رقابتي سیمینارونو سیالي تر سره شوه.
ياده سيالي کې چې د ژبو او ادبياتو پوهنځي څلورو څانګو ( پښتو، دری، انګلیسي او اردو) څخه ممتازو محصلانو برخه لرله، په پایله کې د انګلیسي څانګې د درېیم ټولګي څخه یو تن محصل ښاغلی خالد د معین زوی وکولی شول، د پوهنځي په کچه د دې سیمینار ګتونکی شي.
دغه سیمنارونه چې د محصلانو ظرفيت لوړونې په موخه برابر شوي و، د هرې څانګې په نماینده ګۍ یو تن استاد د ژوري هیئت په توګه ټاکل شوی و او په پوره شفافیت سره دغه سیمینارونه و ارزول شول.
نشراتو او عامه اړیکو آمريت
