د پوهنتون ټولو علمي، اداري کارکوونکو او محصلانو ته په دیني موضوعاتو باندې معلومات ورکړل شول.
نن چهار شنبه د ۱۴۰۴ هـ.ش کال د عقرب میاشتې ۷مه، چې د ۱۴۴۷ هـ.ق کال د جمادی الأولی میاشتې له ۷مې نیټې سره سمون لري، د شيخ زايد پوهنتون عمومي مسجد کې استادانو، محصلانو او اداري کارکوونکو ته د افتخاري شیوخو کرامو لخوا دیني درسونه وړاندې شول.
يادو درسونو په لړ کې د احزابو پېژندنه، د احزبو نواقص او مخنیوي دلایل، مذهب او تقلید اړوند موضوعاتو باندې معلومات ورکړل شول.
دغه درسونه د شيخ زايد پوهنتون دعوت او ارشاد آمريت په هڅو برابر شوي و، چې د شيخ الحدیث خیر الله شاه احقر او مفتي عید محمد عباسي لخوا وړاندې شول.
د يادولو وړ ده چې له دې وړاندې هم د پوهنتون استادانو، کارکوونکو او محصلانو ته څو ځله په بېلا بېلو دیني او عقیدوي موضوعاتو باندې په یو ځایي ډول درسونه وړاندې شوي دي.
نشراتو او عامه اړیکو آمريت
