د ټولنیزو علومو پوهنځی لرلید او رسالت
د ټولنيزو علومو پوهنځي لرليد
د ټولنیزو علومو پوهنځی هوډ لري، چې د شیخ زاید پوهنتون یو له خورا نامتو او په خپله برخه کې د پوهې، مسلک، ټولنیزو نظریو، ستراتیژیکو بحثونو او تاریخي معلوماتو یو باوري کانون وګرځي، یاد هدف ته د رسېدو لپاره قدم په قدم د خپلو امکاناتو او ظروفو څخه په استفادې، متخصص کادرونه روزي او د هغوی د علمي او تخصصي غوړیدا لپاره کار کوي او هڅه کوي، چې په ټولنه کې د خپل مسلک اړونده ستونزې حل و فصل کړي او په همدې روحیه سمبال داسې کادرونه خپلې ټولنې ته وړاندې کړي، چې له مخې یې په ملي او بین الملي کچه معیاري مقام ترلاسه کړي.
د ټولنيزو علومو پوهنځي ماموريت(رسالت)
د ټولنیزو علومو پوهنځی غواړي، چې د اسلام د سپیڅلې دین د اساساتو په پام کې نیولو سره د خپل بشري او ټولنیز ځواک څخه یوه معیاري، متخصصه، ژمنه، نوښتګره او نخبه ټولنه رامنځته کړي، چې له مخې یې د خپلې یادې ټولنې علمي او فرهنګي غوړیدا مخ په زیاتیدې شي او دې هدف ته د رسېدو لپاره په ملي او بین ا لمللي کچه د یوې پیاوړې، مسلکي او ګټورې پوهې په پنځونه کار کوي.