د وترنري علومو پوهنځي ممتاز محصلان د یوې غونډې په ترڅ کې وستایل شول.
سه شنبه د ۱۴۰۳ هـ.ش کال د عقرب میاشتې ۸مه، چې د ۱۴۴۶ هـ.ق کال د ربیع الثاني مياشتې ۲۶مې نېټې سره سمون لري، هغه غونډه چې په همدې موخه د امام ابویوسف رحمه الله غونډو په تالار کې را بلل شوې وه، د محصلانو چارو مرستيال پوهنیار مجاهد همت یار، د وترنري علومو پوهنځي رئیس پوهنمل عبدالطیف رحیمي، استادانو او محصلانو ګډن کړی و.
د محصلانو چارو مرستیال پوهنيار مجاهد همت يار په خپلو خبرو کې محصلان وستایل او هغوی یې وهڅول چې خپلو درسونوو کې لا هڅاند او زده کړو ته په ډېر دقیق شکل متوجې شي.
په پای کې هغه محصلان چې په خپلو درسونو او ټولګیو کې اول، دویم او درېیم مقامونه تر لاسه کړي و، وستايل شول.
نشراتو او عامه اړیکو آمريت
