د (مخدره موادو زیانونه په صحت باندې) تر عنوان لاندې سیمینار وړاندې شو.
نن دوشنبه د ۱۴۰۳ هـ.ش کال د ميزان مياشتې ۱۶مه، چې د ۱۴۴۶ هـ.ق کال د ربیع الثاني مياشتې له څلورمې نېټې سره سمون لري، د شيخ زايد پوهنتون رياست مقام په تالار کې د مخدره توکو کارونې، زيانونو او د مخنیوي په اړه ګډنوالو ته معلومات ور کړل شول.
ياد سیمینار د شيخ زايد پوهنتون محصلانو چارو معاونيت اړوند نظم ډسيپلين عمومي کميتې او د طب پوهنځي رهبري سره په همغږۍ د محترم استاد پوهنيار محمد ابراهيم لخوا وړاندې شو، چې د شيخ زايد پوهنتون محصلانو چارو مرستيال پوهنیار مجاهد همت یار سربېره، د پوهنتون استادانو، کارکوونکو او ګڼ شمېر محصلانو ګډون کړی و.
نشراتو او عامه اړیکو آمریت
