د شيخ زايد پوهنتون نویو محصلانو ته د پوهنتون پېژندنې په اړه سیمینار ورکړل شو.
ن پنجشنبه د ۱۴۰۴ هـ.ش کال د سنبلې میاشتې ۲۷مه، چې د ۱۴۴۷ هـ.ق کال د ربیع الأول میاشتې له ۲۵مې نیټې سره سمون لري، د شیخ زايد پوهنتون تازه داخلو شویو محصلانو ته د پوهنتون سره د بلدتیا او پېژندنې سیمینار د پوهنتون عمومي فرهنګي کمېټې او محصلانو چارو معاونيت لخوا ترتيب شوی و وړاندې شو.
سیمينار ته د محصلانو چارو مرستيال مفتي رضوان الله منيب په خپله وینا کې د مختلفو علومو د ارزښت په اړه خبرې وکړې او خپله اړونده رشته کې د ځان رسونې تر څنګ په نورو علومو کې د پوهې او معلوماتو حاصلولو په اړه سپارښتنه وکړه.
د سیمینار په بله برخه کې د شيخ زايد پوهنتون وترنري علومو پوهنځي استاد پوهنيار مصطفی لودين لخوا برابر شوی سیمينار، چې د پوهنتون په اړه عمومي معلومات، چاپېريال، تشکیلاتو او اکاډميکو اصولو په اړه معلومات ورکړل شول.
نشراتو او عامه اړیکو آمريت
