د شيخ زايد پوهنتون عمومي کتابتون آمريت لخوا آنلاین او آفلاین بريښنایي کتابتونونه جوړ او ګټې اخیستنې لپاره وړاندې شول.
آنلاین ډول بريښنایي سيستم چې د کابل ولایت ښوونې او روزنې پوهنتون څخه شيخ زايد پوهنتون عمومي کتابتون ته را انتقال شوی و، پکې د ځينو نیمګړتیاوو د تکميل او یو څه نوښتونو رامنځته کيدو وروسته فعال شو.
د دې سيستم له لارې به محصلان، استادان او نور کارونکي نړۍوالو کتابونو او ژورنالونو ته په اسانۍ سره لاسرسی ومومي.
همدارنکه آفلاین سيستم چې د شيخ زايد پوهنتون معلوماتي ټکنالوژي آمريت له لوري برابر شوی دی او تر اوسه پورې د کتابتون (۴۶۶۶) فزیکي کتابونه پکې ځای پر ځای شوي او لا هم ورته د کتابونو ور پورته کېدل دوام لري، ياد سیستم محصلانو، استادانو او نورو لوستونکو لپاره کتابتون ته په چټک ډول د لاسرسي فرصت برابروي.
نشراتو او عامه اړیکو آمريت
