د شيخ زايد پوهنتون استادانو لپاره دیني او علمي سیمينار پیل شو.
نن شنبه د ۱۴۰۳ هـ.ش کال د سلواغې میاشتې ۲۷مه، چې د ۱۴۴۶ هـ.ق کال د شعبان المعظم مياشتې له ۱۶مې نيټې سره سمون لري، شیخ زايد پوهنتون کې ټولو استادانو لپاره دیني او علمي درې ورځنی سيمينار پیل شو.
د پرانیستې په مراسمو کې د شیخ زايد پوهنتون علمي، څېړنو، محصلانو او اداري چارو مرستيالانو او استادانو ګډون کړی و.
په پیل کې د قرآن کریم د تلاوت څخه وروسته، د علمي چارو مرستيال پوهنمل نورالله حسین خېل په خپلو خبرو کې وويل، دا ډول سیمینارونه ډېر مؤثر او ارزښتمن دي او زياته یې کړه، نن ورځ د هېواد په زیات شمېر تحصیلي نهادونو کې دا ډول سیمينارونه د استادانو لپاره پوهنتونونو کې په لاره اچول شوي دي، چې ځینو کې پخوا تر سره شوي دي او یا هم جريان لري.
د یادولو وړ ده چې یاد درې ورځنی دیني او علمي سیمینار د پوهنتون رهبرۍ، د دعوت او ارشاد آمریت په همغږۍ ترسره کېږي او د درېیو ورځو په جریان کې به د شیوخو کرامو لخوا په مختلفو او اهمو موضوعاتو باندې بیانونه ترسره شي.
نشراتو او عامه اړیکو آمريت
