د شرعیاتو، حقوقو او سیاسي علومو پوهنځيو محصلانو لخوا تمثیلي محکمه وړاندې شوه.
د ۱۴۰۳هـ.ش کال د لیندۍ میاشتې ۸مه، چې د ۱۴۴۶هـ.ق کال د جمادی الاولی میاشتې له ۲۴مې نیټې سره سمون لري، د شیخ زاید پوهنتون شرعیاتو، حقوقو او سیاسي علومو پوهنځيو محصلانو له لوري د حقوقي دعوې تمثیلي محکمه وړاندې شوه.
په پیل کې د محصلانو چارو مرستیال پوهنیار مجاهد همت یار وینا وکړه او د یادې برنامې ارزښت تر څنګ یې په راتلونکي کې د محصلانو عملي زده کړو په برخه کې د نورو برنامو رامنځته کولو ژمنه وکړه او محصلانو سره یې په دې برخه کې د پراخې همکارۍ ډاډ څرګند کړ.
د حقوقو او سیاسي علومو پوهنځي استاد پوهنمل پاڅون میاخېل له لوري د محصلانو لخوا ترسره شوي تمثیلي محکمه مثبته وارزوله او محصلانو یې د ورته نورو برنامو ترسره کولو په موخه وهڅول.
له دې محکمې څخه موخه په ټولنه کې د عدالت قايمول او د محصلانو د نظري زده کړو ترڅنک د عملي زده کړو او ظرفیت لوړول و.
نشراتو او عامه اړیکو آمریت
