د دندې پیدا کولو او سي وي جوړولو تر سرلیک لاندې سیمینار ترسره شو.
د ۱۴۰۴ هـ.ش کال د ثور مياشتې ۱۷مه، چې د ۱۴۴۶ هـ.ق کال د ذوالقعدة میاشتې له نهمې نیټې سره برابره وه، د محصلانو چارو معاونیت لخوا د بېلا بېلو پوهنځیو محصلانو لپاره د دندې پیدا کولو او سي وي جوړولو تر سرلیک لاندې سیمینار وړاندې شو.
د قرآن کریم څو مبارکو آیتونو له تلاوت وروسته، د محصلانو چارو مرستیال پوهنیار مجاهد همتیار د پیل وینا کې د محصلانو په عملي زده کړو باندې لا ټینګار وکړ.
په یاد سیمینار کې د دندې پیدا کولو طریقه، د دولتي او خصوصي سکتورونو پېژندنه او ترمنځ یې توپیرونه، د دندې لپاره مهم شرایط، د بېلا بېلو مهارتونو درلودل، د سي وي پېژندنه او د جوړولو طریقه، د سي وي جوړولو سرچینې او یو شمېر نورو موضوعاتو باندې بحث وشو.
نشراتو او عامه اړیکو آمریت
