د خوست والي د شيخ زايد پوهنتون افتخاري درسونو د پیل په مراسمو کې ګډون وکړ.
چهار شنبه د ۱۴۰۴ هـ.ش کال د عقرب میاشتې ۷مه، چې د ۱۴۴۷ هـ.ق کال د جمادی الأولی میاشتې له ۷مې نیټې سره برابره ده، د خوست ولایت والي الحاج مولوي عبدالله مـ.ـختار په هغه راټولیدنه کې چې د شيخ زايد پوهنتون استادانو، کارکوونکو او محصلانو ته د افتخاري شیوخو درسونو لپاره برابره شوې وه ګډون وکړ.
د يادو درسونو د پیل په مراسمو کې د خوست ولایت والي سربېره د شيخ زايد پوهنتون رئيس شیخ الحدیث مولوي محمد نسيم حـ.ـقانـ.ي، د خوست ولایت شیوخو کرامو، د پوهنتون مرستیالانو، استادانو، اداري کارکوونکو او محصلانو ګډون کړی و.
د شيخ زايد پوهنتون رئيس شیخ الحدیث مولوي محمد نسيم حـ.ـقانـ.ي مېلمنو ته د ښه راغلاست تر څنګ په خپله وینا کې وويل، چې دا د هر مسؤل مسؤليت دی چې د خپلو ماتختو کسانو لپاره د اصلاحي برنامو زمينه برابره کړي.
د خوست ولایت والي الحاج مولوي عبدالله مـ.ـختار په خپله وینا کې د غونډې برخه والو ته وويل، چې هر علم چې تاسو زده کوئ نه يوازې دا چې ضروري دی؛ بلکې مونږ او ستاسو د ټولنې تکامل ور پورې تړلی دی.
نوموړي په خپله وینا کې د محصلانو سمې روزنې ته په توجو باندې ټینګار وکړ او محصلانو ته یې په خطاب کې وويل چې:((راتلونکی ستاسو په هدف ټاکلو پورې تړلې دی، د خپل ځان لپاره لوړ اهداف وټاکئ؛ تر څو لوړه بريا لاس ته راوړئ.))
دغه لویه راټولیدنه د دعاء په لوستلو سره پای ته ورسیده.
نشراتو او عامه اړيکو آمريت
