د شیخ زاید پوهنتون محصلانو د یو علمي سفر په ترڅ کې د خوست ولایت اطلاعات او فرهنګ رياست څخه لیدنه وکړه.

دغه علمي سفر کې د شیخ زايد پوهنتون دوو تنو استادانو هر یو پوهنيار زينت الله ارمان او پوهنيار حکمت الله سايل په لار ښوونه (۳۴) محصلانو ګډون کړی و، چې د موزيم سربېره یې د اطلاعات او فرهنګ له عمومي کتابتون څخه هم ليدنه وکړه.

 د اطلاعات او فرهنګ رياست د فرهنګي ميراثونو د ساتنې مدیر سید قابل شاه مياخيل لخوا محصلانو ته (د خوست ولايت تاريخي ابدات او سياحتي سيمې) تر عنوان لاندې خپل ترتيب کړی سیمينار وړاندې کړ، د خوست ولايت د ځينو تاريخي سيمو او ابداتو لکه: خواجه متون تپه، تخته بيکه، کاروان سرای، کلي مينار غونډۍ، حصار غونډۍ، غازي ببرک خان کلا، بنګي باغ کلا او داسې نورو تاریخي ځایونو په اړه یې هر اړخيز معلومات وړاندې کړل.

نشراتو، اطلاعاتو او عامه اړیکو آمريت