د سيول څانګې لنډه پیژندنه

د شیخ زايد پوهنتون انجينري پوهنځی د افغان پوهنتون زېږنده ده چې د افغان پوهنتون له شروع څخه انجینري پوهنځی درلوده او د سیول په څانګه کې یې ځوان کادرونه ټولني ته وړاندې کړيدي. کله چې افغان پوهنتون د خوست د خلکو او مخورو قومي مشرانو په زيار او کوښښ سره د وخت جمهوررئیس ښاغلی حامد کرزي په ځانګړي فرمان سره په ۱۳۸۱ هـ ل کې خوست ته را انتقال  شو د نورو پوهنځيو سره په څنګ کې انجينري پوهنځی هم په کار او فعاليت پيل وکړ چې په لومړي سر کې د لږ شمېر استادانو په کمک سره د ډېرو لږو مادي امتيازاتو په مقابل کې تدريس پر مخ بیول کېده، چې په لومړيو وختونو کې انجينري او زراعت پوهنځی د يوې پوهنځی په توګه په جلا څانګو کې تدریسي بهیر پر مخ وړل کیدو، خو د وخت په تیرېدو سره چې کله د استادانو تعداد زيات شو او نو ی ديپارتمنتونه هم ايجاد شول انجينري او زراعت پوهنځی سره جدا شوې او مستقلې پوهنځی وپېژندل شوې. په لومړيو کالونو کې د محصلينو شمېر هم لږ ؤ او د وخت په تېرېدو سره د استادانو شمېر زيات شو او ور سره جوخت د محصلينو شمېرهم زيات شو.

لکه مخکې یادونه وشوه چې انجینري پوهنځی د ایجاد څخه د سیول څانګه لري او په دې برخه کې یې سلګونه ځوان کادرونه ټولنې ته د خدمت لپاره وړاندې کړي دي.

  د سيول څانګې لر لید (Vision of Civil Department)

د انجنیري پوهنځی سیول ډیپارټمنټ باید د یو داسې لوړ او با کیفیته سیستم څخه برخه من وي  چی د افغانستان د پرمختګ، بیارغونې او ټولگټو ضامن، ملی او اسلامي ارزښتونو ته ژمن، په پرمختللي علمي پوهه سمبال، مسلکي کادرونه ټولنې ته وړاندې کړي او د سیمې په کچه او هم په  نړیواله ټولنه کې  لوړ اعتبارو لري.

   د سيول څانګې رسالت (Mission of Civil Department)

د انجينري پوهنځی سیول څانګه زيار باسي چې خپل وران ويجاړ هیواد ته د خدمت په موخه پوه او مسلکي کسان وړاندې کړي. په دې اړه محصلینو او نورو هغو کسانو ته چې په  علمي او اکاډ میکو شرایطو برابر وي د لوړو زده کړو د انډولیز لاس رسي لارې هوارول، د لوړو زده کړو بنسټونو ته وده او پرمختګ ورکول، د ښه او غوره درسي مفرداتو او کاریکولم درلودل، ټولنی ته په ځان بسیا د داسې مسلکي فارغانو وړاندې کول چې په  علمي  مسلکي ډګر کې د ودانیزو پروژو په طرحه، ډیزاین او اداره کې د سیالۍ وړتیا ولري او په اقتصادي وده، ټولنيز پرمختګ، رغونه او بیارغونه کې چې د افغانستان او ټولنې په ثبات کی نیغه ونډه لري، برخه واخلي، د ځان دنده بولي.

  د سيول څانګې موخي

• د پوهې لاس ته راوړل  او د ملي پروګرامونو پربنياد په ټولنه کې د هغې خپرول
•  نظري او عملي زده کړې
•  عنعنوي زده کړې (نه غيابي)
• د ډیپارټمنټ عصري کول ترڅو د نوي نړۍ غوښتنو ته ځواب ویلو وړتیا ولري او په هغوې کي مثبت بدلون راوستل چې د مديريت، استادانو او کارمندانو نقش په واضح ډول معلوم وي.
• د ښه کيفيت او اړوندو اکاډميکو پروګرامونو وړاندې کول چې ملي او سيمه ييزو اړتياوو ته ځواب ويونکي وي او د نړيوالې سيالۍ وړتيا ولري.
• د ډيپارټمڼټ په چوکاټ کې د يوه داسې علمي چاپيريال رامنځته کول چې په هغه کې به ازاد بحث، پوښتنې، وړاندیزونه او رغنده نېوکې د ښه کیفیت په موخه په کار واچول شي.
• په تدريسي او زده کړه ييزو چارو کې د کيفيت يا څرنګوالي سمون چې ډاډمن شي تعليمي نصاب يې ملي او سيمه ييزو غوښتنو ته ځواب ويونکى دى.
• په ډیپارټمنټ کې د څيړنو د کلتور رامنځته کول چي په ساختماني، پرمختیايي او د بیارغونې په برخه کې د هيواد په کچه د بې شمېره مشکلاتو او ننګونو په حل کې مرسته وکړي.

 د سيول څانګې کاریکولم . د سيول انجنیري په څانګه کې د څلورو کلونو په ترڅ کې لاندې نصاب تدریس کېږي او د لیسانس په کچه فارغان ټولنې ته وړاندې کوي.

اول کال (لومړی کال لومړی سمستر ) – د سمستر کوډ: SZUENCE1MD

اول کال (لومړی کال دويم سمستر) - د سمستر کوډ: SZUENCE2MD

دريم سمتر (دويم کال لومړی سمستر) - د سمستر کوډ: SZUENCE3MD

څلورم سمتر (دويم کال دويم سمستر) - د سمستر کوډ: SZUENCE4MD

پنځم سمتر (دريم کال لومړی سمستر) - د سمستر کوډ: SZUENCE5MD

شپږم سمتر (دريم کال دويم سمستر) - د سمستر کوډ: SZUENCE6MD

اووم سمتر (څلورم کال لومړی سمستر) - د سمستر کوډ: SZUENCE7MD

یی

اتم سمتر (څلورم کال دويم سمستر) - د سمستر کوډ: SZUENCE8MD

د یادونې وړ ده چې په سیول څانګه کې ټول (۱۵۶) کرېډیټونه تدریسیږي چې (۱۸) پوهنتون شموله، (۸۳) تخصصي، )۴۶) اساسي او (۹) اختياري دي.

د سيول څانګې تشکیل:

د سيول څانګه د آمر په شمول ۱۱ نفره رسمي اکاډمیک غړی لري چې د همدې پرسونل په مرسته یاده څانګه خپل روزنیز او اکاډمیک فعالیتونه مخ ته وړي چې د یادو اکاډمیکو غړو شهرت په مفصل ډول په لاندې جدول کې ذکر شوي دي.