د دوحـ.ـې تړون کتاب ازموینې پایلې د يوې غونډې په ترڅ کې اعلان شوې.
هغه غونډه چې په همدې موخه د شيخ زايد پوهنتون لیلیې په مسجد کې رابلل شوې وه، د خوست ولایت پوهنې رئيس شيخ الحدیث مسلمين راشد، د شیخ زايد پوهنتون علمي چارو مرستيال پوهنمل نورالله حسین خېل، مالي او اداري چارو مرستيال مولوي محمد جاويد خالد، د تدریسي روغتون سرطبیب پوهنیار ډاکټر راز محمد او محصلانو برخه لرله.
د خوست ولایت پوهنې رئيس شيخ الحدیث مسلمين راشد محصلانو ته وینا وکړه، چې هغوی یې خپلو مسؤلیتونو او لا مؤثرو زده کړو تر لاسه کولو ته متوجې کړل.
د مراسمو په پای کې هغو محصلانو ته چې په ياده ازموینه کې یې لوړې نمرې تر لاسه کړې وې، جايزې او یو شمېر تخفې چې کمپيوټرونه او نور قیمتي اجناس پکې شامل و، ورکړل شول.
نشراتو او عامه اړیکو آمريت
