د شيخ زايد پوهنتون محصلانو تر منځ د تحصيل تر عنوان لاندې والیبال سيالۍ پيل شوې.

تېره ورځ مازیګر د شيخ زايد پوهنتون په والیبال میدان کې د دوولسو پوهنځيو، لیلیې محصلانو او اداري کارکوونکو لوبډلو تر منځ د والیبال سيالۍ پیل شوې، چې په لومړۍ ورځ دوه لوبې ترسره شوې، د انجينري پوهنځي لوبډلې له طب او د حقوقو او سياسي علومو پوهنځي لوبډلې له کرنې پوهنځي څخه برياوې خپلې کړې.

يادې سيالۍ زده کړو ته د محصلانو هڅونې، ذهني ارامتیا، د محصلانو تر منځ د صمیميت او یووالي ساتل او د والیبال په برخه کې د محصلانو استعدادونو را برسېره کولو په موخه د محصلانو چارو معاونيت لخوا په لاره اچول شوي دي، چې اتلس ورځې به دوام وکړي.

نشراتو او عامه اړیکو آمريت