د خوست مستوفي سره د همغږۍ ناسته تر سره شوه.
د شيخ زايد پوهنتون مالي او اداري چارو مرستيال مولوي محمد جاويد خالد د خوست ولایت له مستوفي مولوي محمد عادل اکرام سره د ياد مستوفيت په مقام کې د همغږۍ غونډه تر سره کړه.
په ياده ناسته کې د شيخ زايد پوهنتون د ځینو حوالو د ژر طی مراحل او یو شمېر نورو ستونزو د حل او فصل په اړه خبرې وشوې، چې د خوست مستوفي لخوا یې د حل ژمنه وشوه.
د يادولو ده چې شيخ زايد پوهنتون یو علمي کور دی، چې د خوست ولایت په کچه تر ټولو لوی تشکيل لري او د دوولسو پوهنځیو په لرلو سره محصلان پکې لوړې زده کړې تر لاسه کوي.
نشراتو او عامه اړیکو آمریت
