د وظیفوي تداخل مخنیوي په موخه د دندو لایحو بیا کتنې لپاره کمېټه وټاکل شوه.
د شيخ زايد پوهنتون مالي او اداري چارو مرستيال مولوي محمد جاوید خالد تر مشرۍ لاندې د وظیفوي تداخل مخنیوي او کاري ساحه کې د وضاحت رامنځته کولو په موخه، د پوهنتون کادري او اداري بستونو د دندو لایحو بیا کتنې لپاره نهه کسیزه کمېټه جوړه شوه.
په ياده کمېټه کې د پوهنتون په کچه تجروبه لرونکي استادان او کارکوونکي شامل دي، چې د پوهنتون کادري او اداري بستونو د دندو لایحې به له نظره تېرې او د یو بل سره تطبيق کړي او په پای کې به د خپلو کړنو ګزارش له لوړو زده کړو وزارت سره شریک کړي، ترڅو له مخې یې په راتلونکي کې د وظیفوي تداخل مخنيوي په موخه لازمې کړنې تر سره شي.
نشراتو او عامه اړيکو آمريت
