د ژورنالېزم او عامه اړیکو پوهنځي محصلانو ته د عملي زده کړو په موخه دوه ورځنی ورکشاپ پیل شو.

دوشنبه د ۱۴۰۴ هـ.ش کال د سرطان میاشتې دویمه، چې د ۱۴۴۶ هـ.ق کال د ذوالحجة الحرام میاشتې له ۲۶مې نیټې سره یې سمون درلود، د ژورنالېزم او عامه اړیکو پوهنځي د اول ټولګي محصلانو ته د عملي زده کړو په موخه، په رسنیو کې تخنیکي وسایلو ته د برق وصل کولو تر عنوان لاندې دوه ورځنی روزنیز ورکشاپ پیل شو، چې په لړ کې به یې په رسنیو کې تخنیکي وسایلو سره د بلدتیا، برق وصل کولو او برق کنترول پر لارو چارو عملي کار ترسره شي.

دغه ورکشاپ د ژورنالېزم او عامه اړیکو پوهنځي اړوند د شیخ زاید راډیو نشراتو او تخنیک مسؤلینو لخوا وړاندې کېږي.

د یادونې وړ ده، چې له دې وړاندې هم د ژورنالېزم او عامه اړیکو پوهنځي محصلانو ته د يادې راډيو مسؤلينو لخوا بېلا بېل روزنیر ورکشاپونه ورکړل شوي دي او په راتلونکي کې به هم دې ته ورته نور پروګرامونه دوام ولري.

نشراتو او عامه اړیکو آمريت