محصلانو ته د ویناوالۍ په برخه کې شپږ ورځنی ورکشاپ پیل شو.
نن شنبه د ۱۴۰۴ هـ.ش کال د وري ۲۳مه، چې د ۱۴۴۶ هـ.ق کال د شوال المکرم مياشتې له ۱۴مې نیټې سره سمون لري، د ژبو، ادبياتو او ژورنالېزم او عامه اړیکو پوهنځيو د اخري کال محصلانو لپاره د ویناوالۍ اړوند ورکشاپ چې شپږ ورځې به دوام وکړي پیل شو.
د ورکشاپ د پرانیستې په مراسمو کې د شيخ زايد پوهنتون محصلانو چارو مرستيال پوهنيار مجاهد همتيار دا ډول ورکشاپونو د محصلانو د علمي کچې لوړونې لپاره ډېر مهم ياد کړل او په روان کال یې دېته ورته برنامو د لا زياتوالي هوډ څرګند کړ.
ياد ورکشاپ چې د محصلانو چارو معاونیت له لوري برابر شوی دی، چې پکې به د محصلانو جرأت لوړونې، د وینا ډولونه، اصول او د اسلام له نظره د وينا ارزښت په اړه مهمو معلوماتو باندې بحثونه او نظريات تبادله شي.
نشراتو او عامه آړیکو آمريت
