کانکور ګډونوالو ته د تحصیلي څانګو په اړه معلومات وړاندې شول.
نن چهارشنبه د ۱۴۰۴ هـ. ش کال د جوزا مياشتې ۲۸مه، چې د ۱۴۴۶ هـ.ق کال د ذوالحجة الحرام مياشتې له ۲۱مې نيټې سره سمون لري، د خوست ولایت ۱۴۰۴هـ.ش کال کانکور ګډونوالو ته د تحصیلي څانګو په اړه معلومات ورکړل شول.
د مالي او اداري چارو معاونیت د نشراتو او عامه اړیکو آمریت مسؤلینو لخوا د تحصیلي څانګو ارزښت او اړتیا، د څانګو اړتیا په ټولنه کې، د څانګو د کار بازار وضعیت، د څانګو انتخاب او یو شمېر نورو موضوعاتو باندې معلومات د کانکور ګډنوالو ته وړاندې شول، چې د ګډونوالو لخوا د خوښې وړ وګرځیدل.
د یادونې وړ ده، چې تېره ورځ هم د کانکور ازموینې ګډونوالو ته ورته معلومات ورکړل شوي و.
نشراتو او عامه اړیکو آمريت
