په کادر کې د شمولیت په موخه له کاندیدانو څخه د بهرنۍ ژبې ازموینه شیخ زاید پوهنتون کې واخېستل شوه
نن ورځ دوشنبې( ۱۱/اسد/۱۴۰۰) د پکتیکا پوهنتون ادبیاتو پوهنځي دري او د کرنې پوهنځي باغدارۍ څانګې لپاره کادري بستونو ته له کاندیدانو څخه د بهرنۍ ژبې ازموینه واخېستل شوه.
له یادې ازموینې څخه د شیخ زاید پوهنتون علمي مرستیال پوهندوی شفیع ګل شفیقي د نظارت پر وخت ناستو کاندیدانو ته د ازموینې شفافیت او په پرچو کې د دقت په تړاو خبرې وکړې. پوهندوی شفیقي د ادبیاتو پوهنځي له کادري غړیو څخه مننه وکړه چې د ازموینې اخېستو په اړه یې تکلیف ګاللی دی.
ازموینه د شيخ زاید پوهنتون د ژبو او ادبیاتو پوهنځي کې د همدې پوهنځی کادري غړیو لخوا واخېستل شوه ، چې پکې ۲۳ کاندیدانو برخه درلوده.
د یادونې وړ ده چې د شیخ زاید پوهنتون فلیال پوهنتونونو لپاره په کادري بستونو کې د شمولیت ازموینه په شیخ زاید پوهنتون کې اخېستل کیږي.
