محصلانو ته د ورځني ورزش په اړه ورکشاپ وړاندې شو.
نن سه شنبه د ۱۴۰۴ هـ.ش کال د عقرب میاشتې ۶مه، چې د ۱۴۴۷ هـ.ق کال د جمادی الأولی میاشتې له ۶مې نیټې سره سمون لري، د شيخ زاید پوهنتون بېلا بېلو پوهنځیو محصلانو ته د ورځني ورزش او صحت ساتنې په اړه یو ورځنی سیمینار وړاندې شو.
په دغه ورکشاپ کې د ورځني ورزش، د تمرین پېژندنه او ډولونه، تمرین ګټې او په منظمه توګه د تمريناتو تر سره کولو په اړه معلومات وړاندې شول.
ياد سیمینار د محصلانو چارو معاونيت په هڅو برابر شوی و، چې د طب پوهنځي استاد ډاکټر عزیزالله لخوا وړاندې شو.
نشراتو او عامه اړیکو آمريت
