محصلانو ته د اصلاحي فيصله خط او د تطبيق دعوه تر عنوان لاندې تمثیلي محکمه وړاندې شوه.

د شيخ زايد پوهنتون شرعياتو، حقوقو او سیاسي علومو پوهنځي د څلورم ټولګي محصلانو ته د ظرفيت لوړونې او عملي زده کړو په موخه د حقوقو او سیاسي علومو پوهنځي کې د اصلاحي فیصله خط او د تطبیق دعوه تر عنوان لاندې تمثیلي محکمه د حقوقو او سیاسي علومو پوهنځي محصلانو په رول سره برابره شوې وه، وړاندې شوه.
د يادې تمثیلي محکمې په مراسمو کې د شرعياتو او حقوقو پوهنځيو محصلانو سربېره، د يادو پوهنځيو استادانو هم ګډون درلود، د حقوقو او سیاسي علومو پوهنځي استاد پوهندوی پاڅون مياخېل له لوري د يادې تمثیلي محکمې ارزښت او اهميت باندې خبرې وشوې او پکې تر سره شوي تمثیلونه او موضوعات غوره وارزول شول.
دغه تمثیلي محکمه چې د محصلانو چارو معاونيت محصلانو خدمتونو او همغږۍ آمريت اړوند حقوقي کلینیک له لوري په لاره اچول شوې وه، د ياد پوهنځي استاد پوهندوی پاڅون مياخېل تر لارښوونې لاندې تر سره شوه.
نشراتو او عامه اړیکو آمريت