شیخ زاید پوهنتون خپل ممتاز محصلان وستایل.
شیخ زاید پوهنتون خپل ممتاز محصلان وستایل.
هغه مراسمو کې چې په همدې موخه د ۱۴۰۲ هـ.ش کال د تلې ۲۶مه، د ۱۴۴۵ هـ.ق کال د ربیع الثاني مياشتې له ۳مې نيټې سره برابره ده، د امام ابو حنیفه رحمة الله په تالار کې برابر شوي و، د شیخ زاید پوهنتون علمي مرستيال او سرپرست سید اسماعيل روحاني، محصلانو چارو مرستيال پوهنيار مجاهد همت يار، اداري مرستيال حافظ ناکيم سعيد، د پوهنځيو رئیسانو، استادانو، محصلانو او د رسنيو کارکونکو ګډون کړی و.
غونډه د قرآن عظیم الشان څو مبارکو آیتونو په تلاوت سره پیل شوه.
د شیخ زاید پوهنتون علمي مرستيال او سرپرست ښاغلي سید اسماعیل روحاني غونډې ته پرانیستونکي وینا وکړه. نوموړي محصلان تشویق کړل، چې د علم په ډګر کې پر مخ ځئ، لا نورې هڅې او نوښتونه ترسره کړئ.
ښاغلي روحاني په ټوله نړۍ کې پر مسلمانانو باندې د زور او زياتي يادونه وکړه، چې دا مهال تر ټولو سخت ظلمونه ورسره روان دي او زياته یې کړه چې همدا تاسو ياست چې خپلو مسلکونو کې د ځان رسولو او نوښتونو پرمټ به یې د کفارو هر ډول ځمکني، اقتصادي او فکري اشغال څخه ژغوری.
د ښوونې او روزنې پوهنځي استاد پوهنمل ثناء الله روښان لخوا هغو ممتازو محصلانو چې سیمینارونه او نوښتونه یې ترسره کړي و، کارونه مثبت وارزول.
په پای کې د محصلانو چارو مرستيال پوهنيار مجاهد همت يار لنډه وينا وکړه او محصلان یې وهڅول چې په خپلو اړوندو مسلکونو کې پوره زيار وګالي او نوښتونه ټولنې ته وړاندې کړي.
غونډه ممتازو محصلانو ته د ايوارډونو، ستاینلیکونو ورکولو او دعا په ویلو سره پای ته ورسيده.
نشراتو او عامه اړیکو آمریت
