د ۱۴۰۵ هجري شمسي کال لومړنۍ رهبري شورا ناسته تر سره شوه.

نن یکشنبه د ۱۴۰۵ هـ.ش کال د وري مياشتې نهمه، چې د ۱۴۴۷ هـ.ق کال د شوال المکرم مياشتې ۱۱مې نېټې سره سمون لري، د شيخ زايد پوهنتون رهبري شورا ناسته د پوهنتون رئيس شيخ الحدیث مولوي محمد نسيم حـ.ـقـ.ـاني تر مشرۍ لاندې تر سره شوه.
ناستې ته د شيخ زايد پوهنتون رئيس شيخ الحدیث مولوي محمد نسيم حـ.ـقـاني په خپله پرانستونکې وينا کې د مسؤليت درک، دندې ته ژمنتیا او د محصلانو درسونو ته پوره پاملرنې باندې ټینګار وشو او وویل چې:((محصل د افغانستان اینده ده، مونږ او ستاسو ټول د ملک راتلونکي مسؤلیت په غاړه اخیستی دی، چې په ښه شکل یې اداء کړو.))
د رهبري شورا اجنډا مطابق د تېرو غونډې د پرېکړو تعقيب، د ملي کنفرانس لپاره د موضوع انتخاب، د تضمين کیفيت د تېرو کالونو اسنادو د انتقال او ساتنې، د استادانو، اداري او خدماتي کارکوونکو لپاره د هويت کارتونو جوړولو او یو شمېر نورو متفرقه موضوعاتو باندې بحثونه تر سره او په اړه یې لازمې پرېکړې تر سره شوې.
نشراتو او عامه اړیکو آمريت