د وترنري علومو پوهنځي محصلانو کابل ته علمي سفر تر سره کړ.
د شیخ زاید پوهنتون وترنري علومو پوهنځي د پنځم ټولګي محصلانو د دوو تنو استادانو په ملتیا کابل ولایت ته پنځه ورځنی علمي سفر تر سره کړ.
په ياد علمي سفر کې د صحت حیواني عمومي لابراتوار اړوند صحت حیواني لابراتوار، د سیرولوژیکي معایناتو خونه، هستولوژيکي معایناتو خونه، کابل ژوبڼ، ګذرګاه لبنیاتو فابریکې او حیواني متراکمي خوراکې میل، قرغې ماهیانو فارم، د کمپنۍ په ساحه کې د غذایي موادو د تولید فابریکې او کابل پوهنتون د وترنري علومو پوهنځي څخه لېدنه وکړه.
د يادو لېدنو په ترڅ کې محصلانو ته د اړوندو مرکزونو مسؤلينو لخوا ضروري معلومات ورکړل شول، چې د محصلانو عملي زده کړو لپاره ګټور تماتم شول.
نېټه: شنبه
۱۴۴۷ هـ.ق کال د ذوالقعدة الحرام ۲۹مه
۱۴۰۵ هـ.ش کال د ثور ۲۶مه
۲۰۲۶ م کال مې د ۱۶مه
نشراتو او عامه اړیکو آمریت
