د فرهنګي کمیټې غونډه ترسره شوه.
نن ورځ د ۱۴۰۱ هـ.ش کال د حوت میاشتې ۱۱مه نیټه، چې د ۱۴۴۴ هـ.ق کال د شعبان میاشتې له ۹مې نیټې سره سمون لري، په شیخ زاید پوهنتون کې د شیخ زاید پوهنتون او خصوصي لوړو زده کړو مؤسسو استادانو لپاره د دیني او علمي سمینار د ترتیب او تنظیم په موخه د فرهنګي کمیټې لخوا غونډه وشوه.
غونډه د قرآن کریم د څو مبارکو ایتونو په تلاوت سره پیل شوه،
د شیخ زاید پوهنتون محصلانو چارو مرستیال پوهنیار مـ.جاهد همت یار خبرې وکړې او د شیخ زاید پوهنتون او خصوصي لوړو زده کړو مؤسسو استادانو لپاره د دیني او علمي سیمنار په ارزښت او ترتیب یې مفصل معلومات وړاندې کړل.
ورپسې د یاد علمي سیمنار د تنظیم او ترتیب په موخه ګروپونه جوړ شول ترڅو یاد سیمنار په سم ډول وړاندې شي.
په پلان کې ده چې، یاد سیمنار به په راتلونکي کې د شیخ زاید پوهنتون د امام ابوحنیفه رح په تالار کې پیل کیږي چې تر درېیو ورځو به دوام ولري.
د نشراتو، اطلاعاتو او عامه اړیکو آمریت