د شیخ زاید پوهنتون علمي شورا خپله نوبتي ناسته تر سره کړه.
د شیخ زاید پوهنتون علمي شورا خپله نوبتي ناسته تر سره کړه.
یکشنبه د ۱۴۰۲ هـ.ش کال د تلې مياشتې ۲مه، چې د ۱۴۴۵ هـ.ق کال د ربیع الاول مياشتې له ۹مې نيټې سره سمون لري، شیخ زاید پوهنتون کې د علمي شورا نوبتي ناسته تر سره شوه، چې د شیخ زاید پوهنتون علمي چارو مرستيال او سرپرست ښاغلي سید اسماعيل روحاني، د پوهنتون معاونینو، د پوهنځيو رئیسانو او استادانو پکې ګډون کړی و.
ناسته د قرآن عظیم الشان د څو مبارکو آیتونو په تلاوت سره پیل شوه، ورپسې د شیخ زاید پوهنتون علمي مرستيال او سرپرست سید اسماعیل روحاني پرانیستونکې خبرې وکړې او ګډونوالو ته یې په چارو کې د همغږي او ښه تنظیم په اړه وغږيد.
په یاده ناسته کې د ځینو استادانو په علمي ترفیعاتو، نویو ګمارل شویو استادانو او یو شمېر متفرقه مسائلو باندې بحث ترسره شو، چې په اړه یې لازمې پرېکړې وشوې او ناسته د دعاء په ویلو سره پای ته ورسیده.
نشراتو او عامه اړیکو آمريت
