د شیخ زاید پوهنتون خزانې سمستر ازموینې پیل شوې
نن ورځ(۱۴۰۰/۱/۱۵)لمریز لیږیز کال د لوړو زده کړو وزارت د رهبرۍ شورا او د شیخ زاید پوهنتون د ازموینو عمومي کمیټې د پریکړې پر اساس خزانې ازموینې پیل شوې.
د ازموینې له صحنې څخه د شیخ زاید پوهنتون رئیس پوهنمل حسین ګل اریوبي، علمي چارو مرستیال پوهندوی شفیع ګل شفیقي، مالي او اداري چارو مرستیال فیض الله فیض، د محصلانو چارو مرستیال او د ازموینو کمیټې مسؤل پوهنیار محمد داود بابکرخیل لیدنه وکړه.
د شیخ زاید پوهنتون رئیس پوهنمل حسین ګل اریوبي او مل پلاوي د خپلي لیدنې په ترڅ کې ډاډ څرګند کړ، چې یادې ازموینې به د اړوند وزارت د ټولو قوانینو او لوایحو په مراعتولو سره په بشپړ شفافیت سره واخیستل شي.
ازموینې د محصلانو د استعدادونو ځپل نه، بلکې د استعدادونو راسپړل دي.د پوهنتون ادره په دې هڅه کې ده، چې بااستعداده محصلین وروزې او ټولنې ته یې د خدمت په موخه وړاندې کړي
