د شیخ زايد پوهنتون چاپېريال کې د ۳۷۰۰ نيالګیو کېنولو چارې پيل شوې.
نن دو شنبه د ۱۴۰۳ هـ.ش کال د کب مياشتې ۲۷مه، چې د ۱۴۴۶ هـ.ق کال د رمضان المبارک مياشتې له ۱۷مې نيټې سره برابره ده، د ۱۴۰۴ هـ.ش کال په را رسیدو سره د مالي او اداري چارو معاونیت اړوند خدماتو آمریت د سرسبزۍ مدیریت په هڅو د شيخ زايد پوهنتون شاوخوا چاپېريال د زرغونتيا په موخه د نيالګیو کېنولو چارې پیل شوې.
په یادو نيالګيو کې چې مختلف ډوله مېوه لرونکي او زینتي نیالګي پکې شامل دي، د پوهنتون شاوخوا غونډیو، د پوهنتون دننه ځینو برخو او څېړنیز فارم په ځینو ساحو کې کېنول شي، چې په دې سره به د محصلانو لپاره د مطالعې یو شین تازه چاپېریال رامنځته او د هوا په صافوالي کې به مهم رول ولري.
نشراتو او عامه اړیکو آمريت
