د شیخ زايد پوهنتون عمومي مسجد کې د قرآن عظیم الشان تفسير او ترجمه پیل شوه.
نن چهارشنبه چې د ۱۴۰۲ هـ.ش کال د جدي میاشتې ۱۳مې نیټې سره سمون لري، د شيخ زايد پوهنتون په عمومي مسجد کې د ماسپیښین له لمانځه څخه وروسته د قرآن کريم ترجمې او تفسير لړۍ پیل شوه، ياده لړۍ چې دوه مياشتې به دوام وکړي او د شيخ زايد پوهنتون رئیس شیخ الحدیث مسلمين راشد لخوا به وړاندې کیږي، د پوهنتون ټول علمي او اداري کارکونکي به پکې ګډون ولري؛ ترڅو د قرآن عظیم الشان د آیتونو په تفسیر پوهه، له فیض او انواراتو څخه یې برخمن شي.
نشراتو او عامه اړیکو آمریت
