د البیروني پوهنتون سره د ګډې همکارۍ تفاهم لیک لاسلیک شو.
د البیروني پوهنتون سره د ګډې همکارۍ تفاهم لیک لاسلیک شو. د ۱۴۰۲ هـ.ش کال د تلې میاشتې ۲۵ مه، د ۱۴۴۵ هـ.ق کال د ربیع الثاني له ۲مې نيټې سره برابره ده، د شیخ زاید پوهنتون او البیروني پوهنتون ترمنځ د ګډې همکارۍ تفاهم لیک لاسلیک شو، چې په ترڅ کې به یې دواړه پوهنتونونه د یو بل سره د تجاربو او علمي معلوماتو شریکولو، علمي غړو د ارتقا ظرفیت او ترفیعاتو په برخه کې همکاري، د علمي تحقیقاتو او مقالو برابرولو کې د یو بل سره همکاري او محصلانو ته په سیمینارونو، کنفرانسونو، ورکشاپونو او نورو پروګرامونو کې د اسانتیاوو برابرول شامل دي.
د یاد تفاهم لیک د لاسلیکولو په مراسمو کې د شيخ زايد يوهنتون علمي مرستیال او سرپرست سید اسماعیل روحاني، د البیروني پوهنتون رئیس مفتي وقایت الله وقار، د البیروني پوهنتون او د شیخ زاید پوهنتون محصلانو، مالي او اداري چارو مرستیالانو او د دواړو پوهنتونونو کادري غړو ګډون کړی و. د نشراتو او عامه اړیکو آمریت
