شیخ زاید پوهنتون کې د سويل ختيځ زون پوهنتونونو لپاره د تضمین کیفیت او اعتبار ورکولو د علمي پروګرامونو او چوکاټ څلور ورځينی روزنيز ورکشاپ پیل شو.
![77](/sites/default/files/2023-09/379675085_189037170878226_8904229696308308854_n_0.jpg)
![1](/sites/default/files/inline-images/1_30.jpg)
دوشنبه چې د ۱۴۰۲هـ.ش کال د سنبلې ۲۷مه، د ۱۴۴۵هـ.ق د ربیع الاول له ۳مې سره برابره ده، شیخ زاید پوهنتون کې د تضمین کیفیت او اعتبار ورکولو څلور ورځینی روزنیز ورکشاپ پیل شو.
![2](/sites/default/files/inline-images/2_21.jpg)
یاد ورکشاپ د قرآن کریم څو مبارکو آیتونو په تلاوت سره پیل شو، ورپسې د شیخ زاید پوهنتون علمي چارو مرستيال او سرپرست سید اسماعیل روحاني په امـارتي او خصوصي پوهنتونونو کې د تضمين کیفیت او اعتبار ورکونې پروسې د غښتلتیا او لا ګړنديتوب په اړه خبرې وکړې، چې په عملي کېدو سره به یې د پوهنتونونو اعتبار زيات او په نړيوالو معيارونو سمبال شي.
![3](/sites/default/files/inline-images/3_29.jpg)
ورپسې د کابل پوهنتون استاد پوهنمل محمد امین امين او پوهندوی رضوان الله ممله وال لخوا د ارزونې، اعتبار ورکولو او ځان ارزونې د پروسې او تضمين کیفیت د چوکاټ جوړښت، معیارونو تفسیر په اړه معلومات ارایه کړل شول.
![4](/sites/default/files/inline-images/4_18.jpg)
د يادولو ده چې یاد ورکشاپ کې د شیخ زاید پوهنتون، پکتيا، لوګر، پکتیکا امـارتي او خصوصي پوهنتونونو د تضمين کیفیت مسؤلین ګډون لري، چې څلور ورځې به دوام وکړي او په ترڅ کې به یې د تضمين کیفیت په ټولو معيارونو مناقشې او بحثونه تر سره شي.
![5](/sites/default/files/inline-images/5_17.jpg)
![6](/sites/default/files/inline-images/6_14.jpg)
نشراتو او عامه اړیکو آمريت