د کادري روغتون چارو څخه څارنه ترسره شوه

د شيخ زايد پوهنتون رئيس ښاغلي شیخ محمد یعقوب نيازي د شیخ زايد پوهنتون د تدريسي روغتون له چارو څخه لیدنه وکړه، ښاغلي نيازي د ياد روغتون د روغتيایي کارکوونکو او ناروغانو ستونزې له نږدې واورېدې او د حل لپاره یې ژمنه وکړه، نوموړي د یاد روغتون د کارونو د لا ښه کیدو لپاره د ياد روغتون روغتيایي او اداري کارکوونکو ته لازمې لارښوونې او سپارښتنې وکړې.

د يادولو وړ ده چې د شيخ زايد پوهنتون تدريسي روغتون تېر کال د (I.C.R.C) مؤسسې د پوهنتون سره په هماهنګۍ په مالي کومک فعاليت پیل کړی، چې تر دې دمه یې هېوادوالو ته په زياته اندازه صحي خدمات وړاندې کړي دي او په دوامداره توګه هره ورځ سلګونه بې وزله ناروغان د ياد روغتون له صحي خدماتو څخه برخمن کیږي.
د نشراتو، اطلاعاتو او عامه اړیکو آمریت