کابل پوهنتون کې د لوړو زده کړو په برخه کې درې ورځینی ملي کنفرانس پای ته ورسيد.
یاد ملي کنفرانس چې د ۱۴۴۴ هـ.ق کال د رجب المرجب میاشتې په ۳۰مه نیټه پیل شوی و او درې ورځې یې دوام درلود، چې د لوړو زده کړو د پياوړتيا په برخه کې د کاري وړتیاوو د لوړولو په موخه جوړ شوی و، چې خوا وشاه ۲۵ مقالې پکې ارايه کړل شوې.
په ياد کنفرانس کې چې د کابل پوهنتون په ابتکار رابلل شوی و، د لوړو زده کړو وزیر ښاغلی نداء محمد ندیم او د عامې روغتیا وزیر ښاغلی قلندر عباد، د شیخ زاید پوهنتون رئیس شیخ محمد یعقوب نیازی، د هېواد په کچه د ټولو خصوصي او دولتي پوهنتونونو رئیسانو، استادان او نورو چارواکو ګدون درلود.
کنفرانس ته د شیخ زايد پوهنتون رئیس شيخ محمد یعقوب نيازي هم وینا وکړه، نوموړي په خپل بيان کې دا ډول کنفرانسونه لوړو زده کړو په برخه کې خورا مهم وبلل او دې ته ورته د دویم ملي کنفرانس د رابللو ژمنه یې وکړه، چې د شيخ زايد پوهنتون به يې کوربه وي.
د نشراتو، اطلاعاتو او عامه اړیکو آمریت
