شیخ زاید پوهنتون کې غوره مقاله ارایه کوونکي وستایل شول

szu_admin
سه‌شنبه ۱۳۹۹/۶/۲۵ - ۱۲:۵
شیخ زاید پوهنتون کې غوره مقاله ارایه کوونکي وستایل شول


د سولې په اړه مقاله لیکنې پروګرام چې څه موده وړاندې د شیخ زاید پوهنتون د سولې مرکز لخوا په لاره اچول شوی و، نن یې د یوې غونډې په ترڅ کې یو شمېر محصلین، چې غوره مقالې یې لیکلې وې، وستایل شول.

شیخ زاید پوهنتون کې غوره مقاله ارایه کوونکي وستایل شول
په یاده راټولیدنه کې د محصلانو چارو مرستیال پوهنیار محمد داود بابکرخیل د محصلینو ظرفیت لوړولو او علمي سیمنارونو د ارزښت ترڅنګ، په خپلو خبرو کې زیاته کړه چې: (( تاسو د څیړنواو تحقیق پر مټ خپلې مقالې نورې هم غني کړئ، ترڅو په نړیوالو رسنیو او میډیاوو کې خپرې شي. همدا د پوهنتون استادان او محصلان دي چې په ټولنه کې شته ستونزو ته د تحقیق او څیړنې له لارې حل مومي)).

شیخ زاید پوهنتون کې غوره مقاله ارایه کوونکي وستایل شول
ورپسې د سولې مرکز مشر پوهنیار فاروق جان منګل هم خبرې وکړې نوموړي زیاته کړه، چې د شیخ زاید پوهنتون سولې مرکز د نورو پروګرامونو تر څنګ هڅه کوي، چې د محصلینو علمي ظرفیت، په لوړتیا هم کار وکړي، چې یوه نمونه یې نن ورځ د محصلینو علمي ظرفیت د لوړلو په پار د مقالي ارایه کول دي، چې ټولټال ۱۷ کسانو د بېلابېلو موضوعاتو په تړاو مقالې برابرې کړې وې، چې درې يې د غونډې د ګډونوالو په مخ کې وړاندې شوې.
د غوره مقالو او همدرانګه د لومړی، دوهم او دريم مقام د انتخاب په پار د حقوقو ، شرعياتو او ټولنيزو علومو پوهنځيو رئيسانو څخه ژوري هيئت ټاکل شوی و، چې د فصاحت او بلاغت، پرځان د باور، د مقالو منځپانګې، وړاندې کولو او ورسره نورو خصوصياتو پر اساس يې درې کسان د لومړي، دوهم او دريم مقام وړ وبلل. وروسته د لومړي ، دوهم او دريم مقام ګټونکو په ګډون پر ټولو هغو کسانو تحايف وويشل شول، چې مقالې يې ليکلې وې. د غوره مقاله ارایه کوونکو څخه وغوښتل شول، چې په راتلونکې کې هم هڅه وکړي ترڅو تر دې لاښې او د غوره منځپانګې لرونکې مقالې وليکي. شیخ زاید پوهنتون تل د تیر په شان هڅه کوي چې د هیواد او محصل د ښې راتلونکې لپاره ، ورته علمي پروګرامونه په لار واچوي.په پای کې، پرهغو محصلانو چې تر نورو یې په نسبي ډول ښې مقالي لیکلې وې، د هغوی د ښه تشویق په موخه د سولې مرکز لخوا برابرې شوې تحفې وویشل شوې.
غونډه د سوله یز افغانستان د دعایې په ویلو سره پای ته ورسیده

تازه خبرونه

دوشنبه ۱۴۰۰/۳/۲۴ - ۱۵:۳۵
Background image

د هېواد د لوړو زده کړو ټول بنسټونه موظف دي چې د شته پلاتفارمونو په کارولو سره خپل انلاین درسونه پیل کړي

دغه ټکی د لوړو زده کړو وزیر عباس بصیر نن په هغه غونډه کې بیان کړ چې د کرونا ویروس ګواښ له امله د محصلینو رخصتیو په بهیر کې د هېواد د لوړو زده کړو په نظام کې د تدریس او روزنې پروسې د. . .

شنبه ۱۴۰۰/۳/۲۲ - ۱۰:۰
Background image

د خواشینۍ او تسلیت پیغام

انالله و انا الیه راجعون! په ډیرې خواشینۍ سره مو خبر تر لاسه کړ، چې د شېخ زاید پوهنتون پخوانی رئیس پوهاند محمد رسول باوري ، د ور پېښې ناروغۍ له امله خپل روح حق ته و سپاره.

شنبه ۱۴۰۰/۳/۲۲ - ۹:۴۵
Background image

شیخ زاید پوهنتون کې نړیواله اونۍ ونمانځل شوه

نن ورځ پنجشنبې(۱۴۰۰/۳/۲۰) شیخ زاید پوهنتون د خان عبدالصمد خان اڅکزي د غونډو په تالار کې د کرنې پوهنځي او د چاپیریال ساتنې ریاست لخوا د ګډې هماهنګۍ په ترڅ ونمانځل شوه.

BACK TO NEWS